Te Tiriti o Waitangi – Te Kite Mā Ngā Reo Kē

Te Whanganui-a-Tara, Aotearoa – I tēnei rā e pānui ana Te Rōpū Kaiwhakamāori ā-Waha, ā-Tuhi o Aotearoa (NZSTI) i te whakarewatanga o te kaupapa te Tiriti Ki Ngā Reo Toru Tekau. Hei whakanui i te toru tekautanga o te Rōpū, e mahi tahi ana neke atu i te 90 kaiwhakamāori ki te whakamāori i ngā putanga reo Ingarihi, reo Māori hoki o te Tiriti o Waitangi ki ngā reo 30, me te hoatu i ēnei ki ngā iwi o Aotearoa hei te Rā Whakamāori ā-Ao, hei te 30 o Hepetema 2016.

He aha i kōwhiria ai Te Tiriti o Waitangi? Koia te pepa tūāpapa mō Aotearoa, ā, ko tēnei mea te whakamāori te iho o taua pepa. I runga anō i ngā tohutohu a Wiremu Hopihana, i oti i a Hēnare Wiremu, me te āwhina a tāna tama, Te Tiriti o Waitangi ki te reo Māori te whakamāori. I roto i taua whakamāoritanga i oti i te pō kotahi ko ētahi aronga matua rerekē, me te aha, kua puta he whakamāoritanga tīhoi o ngā putanga Ingarihi me te Māori o te Tiriti.

E miramira ana te kaupapa te Tiriti Ki Ngā Reo Toru Tekau i te mahi uaua a te kaiwhakamāori ki te kawe atu i te aronga ōrite i tētahi reo ki tētahi atu. Ko tāna hoki he tārua i te hiranga o te mahi whakamāori i Aotearoa nei, ka whai hoki kia nui ake te wātea o te Tiriti ki ngā kaiheke e noho ana i konei, me te whakarite kia pai ake te māramatanga ki te Tiriti i tāwāhi.

E tautokona ana te kaupapa e ngā tari pēnei i Te Rua Mahara o te Kāwanatanga, Te Tari Mātāwaka me te Manatū Taonga. ‘Ka atā whakanui ngā whakamāoritanga o te Tiriti o Waitangi ki ngā reo maha o tō tātou whenua i te māramatanga o ngā iwi whānui ki te whakaaetanga tūāpapa o Aotearoa’ hei tā te mātanga Tiriti, hei te Kahurangi Claudia Orange. ‘Ko te whakaputanga ka whakaritea he āhua tōtika hei tohu i ngā whakatutukinga me ngā mahi mauroa a te Rōpū nei.’

Advertisements